راجستھان محکمہ تعلیم کا مشورہ ، صحتمند رہنے کیلئے چکی پیسیں خواتین

راجستھان محکمہ تعلیم کا مشورہ ، صحتمند رہنے کیلئے چکی پیسیں خواتین

 

جے پور : راجستھان کے محکمہ تعلیم نے خواتین کو صحتمند رہنے کیلئے ایک نیا مشورہ دیا ہے، جس کے بعد سے ہی اس کی چوطرفہ تنقید شروع ہوگئی ہے۔ محکمہ کی جانب سے شائع ہونے والی ماہانہ میگزین میں خواتین اور مردوں کو صحتمند رہنے کے نسخے بتائے گئے ہیں ۔ اس میں شائع ایک مضمون میں کہا گیا ہے کہ چکی پیسنے ، جھاڑو پوچھا کرنے اور پانی بھرنے سے خواتین صحتمند رہتی ہیں۔

میگزین میں صحتمند رہنے کے آسان طریقوں میں 14مشورے دئے گئے ہیں ، جن میں صبح جلد اٹھا اور ٹہلنے کیلئے علاوہ دوڑنا ، سائیکل چلانا ، گھڑسواری ، تیراکی یا کوئی دیگر کھیل کود میں حصہ لینا شامل ہے ۔ ساتھ ہی ساتھ مضمون میں لکھا ہے کہ خواتین کی ورزش چکی پیسنے ، رسی کودنے ، پانی بھرنے اور جھاڑو پوچھا کرنے سے ہوجاتی ہے۔